ليه ؟؟
اغنية غاضبة ثائرة
للمطربة سلمى الصباحى
إستياءاً لمقتل الشاب السكندرى خالد سعيد على يد مخبرين من الشرطة
كلمات الأغنية
أنا عندى ليكى سؤال يا مصر ..
بقوا سؤالين
أيه غير الأحوال ..
والدور يا ترى على مين
.. .. ..
عايشين محاصرنا ..
الخوف وعاصرنا ..
ومسيرنا ده مصيرنا ..
لو عشنا كده ساكتين ..
.. .. ..
فى كل يوم هايروح واحد ..
ونبكى عليه
زى اللى راح مجروح ..
علشان بيسأل ليه ؟؟
ليه ..؟
.. .. ..
الإسم كان " خالد " ..
والسن فى العشرين ..
وفـ حاله كان قاعد ..
طلعوا عليه كلبين ..
فجأة بظلم وغدر ..
نهشوا وداسوا قلبنا ..
ورونا معنى القهر ..
وكرهنا قوى غلبنا
.. .. ..
جوانا غضب إنفجر ..
ودمه اللى انهدر ..
تاره بإيدينا كلنا ..
وحقه بقى حقنا
.. .. ..
ولحد ما ييجى يوم ..
ونعدل اللى مال ..
راح نسأل كل يوم ..
إزاى بقى ده الحال ..
إزاى .. بقى ده الحال !!
.. .. ..
كم آمل أن نتدبر كلماتها ..
